A fitianu intendu nai ca nosu sardus seus NIMBY (Not In My Backyard, in ingresu “no in sa pratza mia”). Est unu fueddu imperau po descriri a chini s’oponit a òperas cunsideradas ùtilis, ma no si in su territòriu pròpiu. Est una definitzioni còmoda, chi serbit a fai citiri a chini pesat dudas legìtimas. Ma diaderus seus aici?
Chi nc’est una terra chi at sèmpiri sunfriu sa presèntzia de tzerachias, impiantus e indùstrias, custa est sa Sardìnnia. E si podit biri luegus. Teneus duas de is seti tzentralis a carboni italianas, in Portovesme e Frùminisantu. Acasagiaus prus de su 60% de is tzerachias militaris de su stadu italianu, innui s’addestrant is esèrcitus de mesu mundu, intre custus fintzas s’IDF. Eus connotu, e connosceus, polus industrialis e petrolchìmicus, finas sa prus grandu rafineria de Europa, in Sarrocu.
Duncas, no, no est ca no boleus nudda nudda in sa pratza nosta. Est ca seus su muntonàrgiu de s’Itàlia.
Oi sa frontera noa de s’isfrutamentu si narat “transitzioni energètica”. Asuta de custa eticheta si cuant progetus gigantis, cun turris a bentu artas prus de duuxentu metrus e sterridas de pannellus aciapasoli chi coberint ètarus de campus. Si fueddat de sustenibilidadi, ma no de partetzipatzioni; de benefìcius, ma no de chini ddus coberat. Is comunidadis localis funt cunvocadas sceti a babbu mortu, candu s’abarrat sceti de castiai a sa tramudadura de su territòriu.
Epuru nc’est chini, cun tonu paternali, incurpat a chini protestat de nai sceti de “NO”. Ma nai no a una speculatzioni non bolit nai no a sa transitzioni. Bolit nai a dda bolli guvernai, cun arrègulas, giustìtzia e arrispetu.
Sa Sardìnnia produsit giai prus energia de sa chi spaciat, e una grandu parti est esportada. Duncas, no teneus abbisòngiu de prus Gigawat, ma de unu Pranu Energèticu e Ambientali Regionali chi si nerit comenti produsi energia cunforma a unu mollu sustenìbili e autodeterminau.
Chentza de custa regia polìtica, sa “transitzioni” arriscat de essi sceti una colonizatzioni energètica. Is energias annoabbilis non funt su problema. Su problema est chini ddas imperat comenti a trastu po ndi fai profetu. Est sa lògica estrativa chi sighit, càmbiant is matèrias primas, no su mecanismu. De is menas de carboni a is menas de bentu e soli, is meris abarrant is pròpius, e a is sardus lassant is arrefudus.
Sa Sardìnnia no est una terra sbuida, nì unu laboratòriu po esperimentus industrialìs. Est un’ìsula anca bivit unu pòpulu chi tenit su deretu de detzidi comenti produsi, comenti bivi e comenti amparai su territòriu cosa sua.
No est prus tempus de acetai sceberus calaus de s’artu, nì de s’amparai in su mitu de su progressu chentza de làcanas. Su progressu, chi no est giustu, no est progressu, est sfrutamentu.
Po custu serbit a sighiri in sa mobilitatzioni, ampra, populari, chi aunat comunidadis, amministradoris e movimentus.
Ca sa transitzioni energètica o est giusta e cumpartzida, o no est transitzioni, est un’àtera colonizatzioni.
Spesso sento dire che noi sardi siamo NIMBY (Not In My Backyard, in inglese “non nel mio cortile”). È un termine usato per descrivere chi si oppone a opere considerate utili, ma che non si vogliono nel il proprio territorio. È una definizione comoda, che serve a zittire chi solleva dubbi legittimi. Ma davvero siamo così?
Se c’è una terra che ha sempre subito la presenza di servitù, impianti e industrie, questa è la Sardegna. E si può vedere subito. Abbiamo due delle sette centrali a carbone italiane, a Portovesme e Fiumesanto. Ospitiamo oltre il 60% delle servitù militari dello stato italiano, dove si addestrano eserciti di mezzo mondo, tra cui anche l’IDF. Abbiamo conosciuto, e conosciamo, poli industriali e petrolchimici, fino alla più grande raffineria d’Europa, a Sarroch.
Dunque, no, non è che non vogliamo nulla nel nostro cortile. Semmai siamo la discarica dell’Italia.
Oggi la nuova frontiera dello sfruttamento si chiama “transizione energetica”. Sotto questa etichetta si nascondono progetti mastodontici, con pale alte più di duecento metri e distese di pannelli fotovoltaici che coprono ettari di campi. Si parla di sostenibilità, ma non di partecipazione; di benefici, ma non di chi li incassa. Le comunità locali vengono convocate solo a giochi fatti, quando ormai non ci resta che assistere alla trasformazione del territorio.
Eppure c’è chi, con tono paternalistico, accusa chi protesta di dire solo di “No”. Ma dire no a una speculazione non significa dire no alla transizione. Significa volerla governare, con regole, giustizia e rispetto.
La Sardegna produce già più energia di quanta ne consumi, e gran parte viene esportata. Dunque, non abbiamo bisogno di più Gigawatt, ma di un Piano Energetico e Ambientale Regionale che disponga la produzione secondo un modello sostenibile e autodeterminato.
Senza questa regia politica, la “transizione” rischia di essere solo una colonizzazione energetica. Le energie rinnovabili non sono il problema. Il problema è chi le usa come strumento di profitto. È la logica estrattiva che continua, cambiano le materie prime, non il meccanismo. Dalle miniere di carbone alle miniere di vento e sole, i padroni restano gli stessi, e ai sardi lasciano gli scarti.
La Sardegna non è una terra vuota, né un laboratorio per esperimenti industriali. È un’isola in cui vive popolo che ha il diritto di decidere come produrre, come vivere e come difendere il proprio territorio.
Non è più tempo di accettare decisioni calate dall’alto, né di rifugiarsi nel mito del progresso senza limiti. Il progresso, se non è giusto, non è progresso, è sfruttamento.
Per questo serve continuare nella mobilitazione, ampia, popolare, che unisca comunità, amministratori e movimenti.
Perché la transizione energetica o è giusta e condivisa, o non è transizione, è l’ennesima colonizzazione.
Immagine: marcozanoncelli.blog
