Timo chi a sarvare sa Sardigna no at a èssere custa unda de natzionalismu identitàriu chi si nde leghet in custos tempos. E si fintzas custu abbolotu sòtzial si deperet mudare in un’eventuale exploit eletorale, a pagu nos at a lòmpere si no at a crèschere fintzas cussa cussèntzia natzionale chi non si nde podet fàghere a mancu. Su cunflitu in Sardigna no est nen contra a su tzentru-manca nen contra a su tzentru-dereta italianu; su cunflitu est contra a s’Istadu italianu e a s’emanatzione coloniale sua in s’Ìsula. E pro intrare a su Cussìgiu Regionale evitende alleàntzias cun su tzentru-manca e cun su tzentru-dereta italianu tocat a fàghere is contos cun is barrancos de sa lege eletorale vigente e cun una filera de àteros barrancos galu prus mannos e affroddieris. Chi si cumbatent comente? Cun Cussèntzia natzionale.
Esistit unu traballu de Carlo Pala de calecunu annu a oe chi si narat Idee di Sardegna e chi in Sardigna diat èssere pretzisu chi totus ddu connoscheremus unu pagu de prus. Ma giai su tìtulu de su libru antìtzipat su fatu chi in su mundu indipendentista no esistit un’idea sola de Sardigna, e chi fintzas is ideas de aggregatzione “noas” (comente a cudda proposta in cuddu post) sunt càrrigas de ideologia.
Is indipendentistas sotzialistas e is indipendentistas liberales organizados in partidos ant a sighire a esistire e a fàghere – comente est giustu chi siat – batallas partìticas in s’òrdine sotzialistas e liberales. Ùtiles a ite? A s’idea issoro de Sardigna indipendente. E tando, prus chi a ddis pedire de abbandonare sa bisione pròpia de s’Ìsula, tenet prus sentidu, in custa fase istòrica in ue semus Regione de s’Istadu Italianu, a pedire chi indivìduent puntos a cumone capatzos de acurtziare is partes a is rispetivas ideas de Sardigna. Est possìbile a fàghere una sìntesi de is disafios prus importantes pro sa Sardigna de oe e traballare a obietivos a cumone mantenende cada partidu o movimentu s’idea sua?
Unos cantos puntos a cumone chi is diferentes partidos indipendentistas sardos ddoe diant pòdere cunvèrgere ddos propòngio inoghe, mesches pro chi no abitat s’àrea:
Cun sa punna de insabiare su pòpulu sardu in contu de aspetos chi pertocant s’economia sua, sa fiscalidade sua, sa geografia sua, s’istòria sua, sa limba sua, s’iscola sua, s’ambiente suo, in su 2019 est naschida ANS Assemblea Natzionale Sarda.
In cùrtzu, ANS est un’assòtziu polìticu, apartiticu, sena tareas eletorales, chi naschit pro traballare a sa crèschida de sa cussèntzia natzionale, bisòngiu semodadu dae su mundu indipendentista chi aiat bìvidu sa derrota eletorale de su 2019.
Cuddu mundu s’est identificadu a inghìriu a 13 valores, individuados dae is indipendentistas matessi durante una fase costituente longa durada dae martzu a nadale de su 2019. Cales fiant custos valores? S’agatant in su situ de ANS, ma nde resumo unos cantos in bator puntos:
a) deretos linguìsticos, cultura, patrimòniu naturale e istòricu sardu,
b) connessione e fraigu de retes intre tzitadinos, comitados, movimentos e partidos,
c) contrariedade a calas si siat atitùdine o cumportamentu discriminadore, violentu, sessista, xenòfobu, autoritàriu,
d) democratzia interna, annou de is càrrigas, trasparèntzia assoluta.
In prus – agiungo – ANS est cuntzepida pro non dèpere èssere assotziada a leader e a pustis de sete annos funtzionat ancora gasi, no at mai traitu custu printzìpiu.
Valores, tando, est a nàrrere règulas base pro sa cunvivèntzia. Chie, a intro de s’àrea, non s’est reconnotu in tales valores at detzìdidu de non cumintzare o de non sighire cuddu caminu.
ANS est in salude e est ativa 365 dies a s’annu, cun un’istrutura crara e un’organizatzione detalliada, chi at permìtidu in is annos de si torrare a apoderare de Sa Die de sa Sardigna e de fàghere naschire Fàulas pro cumintzare a contare sa Sardigna dae una mirada sardutzentrada. Is duos adòbios sunt oe pro ANS is duos eventos natzionales printzipales in su calendàriu annuale.
ANS est naschida comente a ispàtziu de elaboratzione comuna, siat pro acasagiare indipendentistas noos non galu prontos pro sa militàntzia partìtica, siat pro chi in is batallas de pressione polìtica trasversales a s’àrea, sa boghe indipendentista poderet essire a manera prus crara. De custu segundu aspetu est chi mi chèrgio ocupare.
Unas cantas persones chi si sunt riunidas in is primos adòbios de su 2019 non sunt prus in ANS. In s’interis sunt imbucad_s indipendentist_ in formatzione o adderetura in potèntzia chi, siat pro chistiones anagràficas siat ca non cumbintos dae is propostas partìticas, non si fiant mai tesserad_s cun partidos indipendentistas. Custa dinàmica at ingendradu una situatzione in ue is militantes de is partidos – pro sa majoria – in tames de si fàghere connòschere contribuende a is obietivos de ANS cumplementares a cuddos de is partidos, ant prefertu a si nd’istagiare e a annotare dae foras.
Como chi a si presentare cales indipendentistas sunt caras disconnotas, chi non si cunsiderant fìgias de cudda istòria indipendentista (atentzione a dare leturas opostas) ma si presentant comente truncadura e in crìtica aberta petus a is chi definint dinosàuros, invito a sa riflessione – sena cuntierras e cun su respetu chi apo semper portadu – is chie ant chèrfidu chi nascheret ANS ma posca ant lassadu..
In antis però abèrgio e serro una parèntesi: custu arresonu non punnat a nde pesare is barricadas contra a is movimentos naschentes. Antzis, ammento chi ANS est un’ispàtziu abertu a chie si siat cumpartzat is 13 valores fundamentales subra-numenados e si chèrgiat impinnare a tìtulu individuale. Ma cuddos valores sunt inderogàbiles. E luego nche torro.
A totus, ma inoghe mesches a chie s’est acurtziadu a ANS e no est prus tesserad_ naro craru chi is ghennas sunt abertas e chi cosa de fàghere nde ddoe at meda. Si nde ais ispèrdidu is timorias de tando (legìtimas puru), ANS est ancora domo bostra. Si is resistèntzias sunt acapiadas a sa presèntzia de persones chi no istimais o no ais istimadu in passadu, arregordo chi ANS tenet intre is obietivos fintzas sa propassada de tales dinàmicas. ANS, repito, est fundada subra de sa partetzipatzione individuale. ANS tenet fintzas un’istrutura capatza de istesiare un_ tesserad_ s’in casu traigat is 13 valores: is sejos de potentziales casos de atentzionare sunt analizados e gestidos a manera democràtica, sena chi nemos potzat bantare deretos de vetu.
6, 7 annos sunt bastantes pro cunsiderare acabadu su perìodu de su “bidimus ite faghent!”. Est tempus de si torrare a pònnere a traballare pro s’idea de ANS cumplementare a is partidos. Tenimus bisòngiu de un’incubadore polìticu in ue si formet sa classe dirigente chi ismanniet e annoet is filas de is partidos ue at a seberare de militare. No ismentigades chi ANS pro Istatutu non si podet presentare a eletziones, non podet pigare votos.
Abèrgio unu tema: acuntesset chi, in sa matessi chida, prus siglas indipendentistas faeddent de temas diferentes. Sigla 1 faeddat de colonizatzione energètica, Sigla 2 faeddat de isperdìtziu iscolàsticu, Sigla 3 faeddat de sanidade, Sigla 4 faeddat de Istatutu, Sigla 5 faeddat de privatizatzione aeroportos. A serbit? Est idea binchente? A cale auditòriu arribamus? Cantas persones cunfundimus?
A creschimus in custu aspetu? A traballamus a un’agenda comuna? Bi resessimus a tènnere unu diàlogu continu e a detzìdere, a cadèntzias, cales sunt is 2, 3 temas chi nos ddoe depimus cuntzentrare in unu arcu temporale detzididu dae nois etotu? Cuntemplende càmbios de prioridade, craru. E a ite pro? A manera de agire comente a unu cartellu de pressione. A manera chi s’opinione pùblica s’acatet chi is indipendentistas sunt faghende pressione subra a chie guvernat in sa RAS pro chi s’ocupet – esempru – de su tema fogos (o sanidade, o aeroportos).
Is mèdia ant a iscrìere tando chi “in contu de su tema, sa segretària de Sigla 1 narat chi siat gasi”; “pro su presidente de Sigla 2 est gasi”; “e is esponentes de Sigla 3 la pensant gasi”. Duncas emmo, nche ant a èssere bisiones diferentes, ma de su matessi tema si faeddat.
Custa est una proposta pensada pro ammustrare a sa sotziedade sarda chi:
1) is indipendentistas sunt ativos, ca faeddant a sa sotziedade sarda presidiende is temas de atualidade;
2) esistit, in s’indipendentismu, Sigla 2 chi est sotzialista e Sigla 5 chi est liberale. Dda resumo gasi pro segare in curtzu. Ma s’eletore at a seberare, in base a sa sensibilidade sua, chie votare, chie sighire o a chie s’aunire.
Paret banale, ma non semus faghende-ddu. A cumintzamus?
Peristantu, ANS faghet tres assembleas in presèntzia de duas dies (nde faghet fintzas àteras, ma in lìnia) in s’andare de s’annu – e ddas promovet semper in su giassu web o in is retes sotziales – e dèdicat un’ispàtziu de dibata a s’agenda sarda, a s’osservatzione de ite nos cumbinat a fùrriu. Non so contraighende su chi apo naradu in antis cantu a sa partetzipatzione individuale: ANS naschit fintzas pro acasagiare indipendentist_ chi ancora si sunt formende a inghìriu de medas temas e chi disìgiant leare parte a dibatas, ma a custas assembleas partètzipant puru indipendentistas de esperièntzia. Proite no arrichire sa dibata?
E posca: ANS at agigu numenadu unu delegadu a is raportos cun is partidos polìticos. Abisu meu ANS podet moderare s’ispàtziu in ue s’indivìduant is puntos a cumone (chi nd’apo remonadu in antis unos cantos esempros). Si bos praghet, est a nos setzere e a fàghere: a detzidire. Fintzas ca si non detzidimus nois:
– in sa “mègius” ipòtesis, ognunu at a sighire a agire a sa sola e amus a bìdere – esempru – post instagram de Sigla X chi contat de su blitz chi at fatu in Logu X ca at ischìpidu chi inie sa Comuna at dadu terrinos a unu privadu pro nde fraigare un’ecomostro. Siat craru: benit a bene, e gràtzias. Ma si is àteras siglas non sighint, e is mèdia non dèdicant prus de un’articuleddu, sutzedet chi daboi de 5 dies est ispatzadu su fumu sòtzial e fintzas is ativistas de Sigla 5 etotu ant a torrare a pensare a su traballu, a is fìgi_s e a mandigare. Giustu puru, si si nche agatant solos e ddis paret de fàghere batallas contra a is molinos a bentu.
– In sa peus ipòtesis, imbetzes, amus a sighire a faeddare de su chi nos faghent faeddare Unione e Nuova o, peus ancora, Rete 4.
Oramai ischimus, ca l’amus bìvidu, chi is batallas portadas a in antis sena organizatzione forte non batint ni iscritos e nen cunsensos. E est sutzèdidu a s’ispissu chi si ddas siant intestadas is partidos italianos in Sardigna. A rivendicare su mèritu de àere fatu pro primos tale batalla andat bene, ma a nos bastat? O est mègius a resonare de iscritos e de cunsensu eletorale?
Oe atores noos (comente Surra) atzocant a s’iscena definende·si indipendentistas e impreende mètodos de comunicatzione chi sunt noos cantu podet èssere noa una cosa chi esistit de 4 annos. Issos ddos impreant, s’indipendentismu nono. Vìdeos curtzos, islogan repìtidos, messàgios semplificados e diretos chi toddent sighida sotzial.
Sa novidade at bidu in s’indipendentismu de longa data positzionamentos diferentes: b’est chie, “mancumalista”, torrat gràtzias ca “a su mancu nche sunt issos chi faghent cosas cuncretas” e b’est chie s’est bidu ispodessadu: “Dae ue nd’istupant custos?”. Legìtimu si ddu dimandare, fortzis fintzas pretzisu. Sa risposta de is ispodessados a is mancumalisti est, giustu puru: “ma comente? Ma nois dd’amus semper fatu! Ma nois semus semper istados in prima lìnia a nos imbrutare is manos e a denutziare”.
Beridade sacrusanta. E tando it’est sutzèdidu? Sa gente si nd’est ismentigada o non si nd’est assuprida? A non meledare in contu de comente semus comunichende, che àrea polìtica, est grave meda.
In prus a chie creet chi sa polìtica bolet fata foras de is retes sotziales ca cun sa gente tocat a faeddare cara a cara (a semus faghende-ddu?), leamus cussèntzia de su fatu chi gente meda oe preferit a s’informare pro mèdiu de ìnternet e de is sòtzial e chi, si incrosidada, a primaria andat a s’ispuligare su chi iscries in is giassos web tuos, posca fortzis at a partetzipare a adòbios in presèntzia.
Oe – sena dudas – chie lompet cun fatzilidade est chie impreat reel o stories, mescamente in Instagram e Tik Tok. In s’àrea indipendentista, pro s’imprus, si produent:
– comunicados longos e artìculos (tipu custu, chi est infinidu), chi est giustu agatare in is relativos giassos pro chi siat semper fàtzile a ddos agatare, ma chi a solos non bastant a lòmpere;
– o (pro mene peus) “carosellos” longos in Instagram càrrigos de cosa iscrita, chi galu peus, a s’ispissu non s’acumpàngiant a unu testu ispecìficu in su situ web e duncas si perdent dae cue a pagas dies.
Pregontas: si atzetaremus chi su problema de su non lòmpere cun fatzilidade siat chi mancamus in s’impreu de su mèdiu reel, proite tando non dd’impreamus? Mi dimando si tenimus timoria de nos registrare palas a una telecàmera e de espònnere sa cara nostra o si pensamus chi su messàgiu nostru siat tropu cumplessu pro pòdere èssere afidadu a vìdeos de pagos segundos. In ambas is ipòtesis, b’at de bi traballare. Duncas s’àteru tema est: in prus de s’importu sacrusantu de istudiare pro èssere credìbiles, preparados, fidados in cantu polìticos o candidados potentziales in su benidore, ndi essit a campu sa netzessidade de istudiare pro fàghere lòmpere is messàgios nostros – prus cumplessos de is islogan – chi cherimus lompant a sa mente e no a sa bentre de is sard_s (si a beru bolimus una sotziedade cussente e non fetzi sighidores in is sòtzial).
A propòsitu de comunicatzione e artìculos, permitide·mi: che indipendentistas bolide-ddi prus bene a S’Indipendente. Non ddu naro a chie leat cumpensos pro iscrìere in àteros giornales, ma a chie preferit is retes sotziales. Cando isterreis arresonos fungudos, no est abbistu meda a ddos afidare a unu post Facebook o a istòrias Instagram chi – pro cantu lompat deretu a is aficionados sena de ddos fàghere essire dae FB – a pustis de 24/48 oras acabant de girare. No est mègius, prus a prestu, a ddos pubblicare che artìculos chi faghet a agatare, fintzas a distàntzia de annos, cun una chirca simple in is browsers?
S’indipendente est unu giornale indipendentista decraradu, registradu, chi pagat is impostas, e chi est plurale a beru sende chi in sa lista de is chi iscrient de prus, in artu b’at bator persones chi benint o ant fatu parte de siglas diferentes. No est perfetu S’I, faddit e difatis in is annos faddinas nd’at fatu. Ma chie b’est in palas s’ischit: ANS (sòtzios chi ischint fàghere giassos web, sòtzios chi iscrient o invitant a iscrìere). Mi refudo de pensare chi calicunu no b’iscriat ca nch’iscriet calicun_ chi a iss_ non dd’andat a gèniu, ca si est gasi non diat tènnere sentidu tando a s’esaltare cando bos publicant in s’Unione Sarda o in sa Nuova Sardegna. Ca andat bene sa visibilidade, ma inie non ddoe iscrient fetzi persones nòbiles e non semper is artìculos acasagiados sunt edificantes. O semus prus maduros de gasi opuru perdimus credibilidade cando faeddamus de “problemas de s’indipendentismu”.
Torro a cudda parèntesi aberta e tancada prima. A Surra si ddis dèpere dare mèritu de èssere faghende in Poltu Santu Paulu (Lu Fenosu – Cala Finanza) unu traballu de denuntzia e presìdiu; parinale a su chi meda indipendentistas o movimentos che A Foras, in situatziones meda, faent dae generatziones. Ma Surra est comunichende-ddu a manera dèghida.
Bos ais a dimandare, incapas: proite, tando, si Surra si definit indipendentista e tenet custas capatzidades comunicativas non s’est proposta e ddas at postas a disponimentu de chie giai faghiat is lotas, est a nàrrere is chi in cuddu ambiente ddis narant dinosàuros? Pro ite no ant mai tzocheddadu a sa ghenna de ANS, chi tenet una mèdia edade de 39 annos, chi intre is sòtzi_s su_s tenet prus caras noas chi non indipendentistas navigados, e chi est aperta e apartìtica? Bos pòngio torra is valores de ANS, pro coidadu.
In unu mundu ideale e in cunsideru de is diversas cumpetèntzias e esperièntzias chi tenet a intro, ANS si diat pòdere pònnere a manera ùmile a disponimentu de chie ocupat is pratzas e is presìdios (comente podent èssere is comitados, si is comitados ddu bolent), e de movimentos noos chi naschent (comente apuntu podet èssere Surra, ma comente fintzas a is movimentos de istudiantes o de giòvanos prenos de energia). Pro fàghere ite? Pro dare amparu, fàghere formatzione polìtica, pro esempru.
Ma in cuddu mundu ideale, Surra no est unu progetu chi naschit dae o a s’incras cun is duas caras prus connotas chi antis de su mese de ladàmine/santugaine 2025 no aiant mai pubblicadu nudda in tema de Sardigna, limba, ambiente, bases militares, lotas. E fintzas a cando sa gènesi de Surra at a èssere fumosa, sa difidènzia de medas at a sighire. Su matessi balet pro sa reghedia a si nche istesiare dae ideas ambìguas. E forsis est pro custu chi Surra s’amparu e sa formatzione polìtica ddos chircat aterue.
ANS oe dèdicat meda tempus e energias a mandare a in antis 365 dies a s’annu s’istrutura sua, dae s’ordinària amministratzione a is duos eventos natzionales printzipales. Duncas, ddu naro craru: is persones chi podent dare calicuna cosa a sa sotziedade intrent in ANS, siat is chi milìtant in partidos, siat is chi nono. Est pretzisu a pònnere a disponimentu medas cumpetèntzias: in àmbitu polìticu, in àmbitu comunicativu, ma non fetzi.
E is “indipendentistas istòricos”, is chi milìtant de 20, 30, 40, 60 annos, is chi “in su 1997 amus fatu custu!” e “in su 2011 amus fatu custu àteru!” podent – pro esempru – pònnere a disponimentu s’esperièntzia issoro mancari in unu cuntestu de “Istòria de is lotas de s’indipendentismu” o de “Comente s’organizat unu presìdiu”. In sustàntzia: tocat a pònnere a disponimentu de chie tenet oe 18 o 25 annos, e nde diat tènnere bisòngiu, riferimentos e esempros.
ANS est una proposta, no est sa sola solutzione, ma essende un’istrutura pronta, organizada, e fìgia de su percursu indipendentista, est inie pronta chi isetat de èssere alimentada. A nde disconnòschere su potentziale suo est unu sèberu.
Temo che a salvare la Sardegna non sarà quest’onda di nazionalismo identitario di cui si legge ultimamente. E se anche questo rumore social dovesse trasformarsi in eventuale exploit elettorale, porterà a ben poco se non crescerà anche la cara e imprescindibile coscienza nazionale. Il conflitto in Sardegna non è né contro il centro-sinistra né contro il centro-destra italiano, il conflitto è contro lo Stato italiano e contro la sua emanazione coloniale sull’Isola. E per entrare in Consiglio Regionale evitando alleanze con il centro-sinistra e con il centro-destra italiano bisogna fare i conti con gli sbarramenti della legge elettorale vigente e con una serie di ostacoli ancora più grandi e subdoli. Che si combattono come? Con coscienza nazionale.
Esiste un lavoro di Carlo Pala di qualche anno fa che si chiama Idee di Sardegna e che in Sardegna sarebbe opportuno conoscessimo tutti un po’ di più. Ma già il titolo del libro anticipa il fatto che non esiste un’unica idea di Sardegna nel mondo indipendentista, e che anche le idee di aggregazione “nuove” (come quella proposta in quel post) sono cariche di ideologia.
Gli indipendentisti socialisti e gli indipendentisti liberali organizzati in partiti continueranno a esistere e a fare – giustamente – battaglie partitiche rispettivamente socialiste e liberali. Utili a cosa? Alla loro propria idea di Sardegna indipendente. Ecco perché, più che chiedere loro di abbandonare la propria visione dell’Isola, ha più senso, in questa fase storica in cui siamo Regione dello Stato Italiano, chiedere che individuino dei punti comuni in grado di avvicinare le parti alle rispettive idee di Sardegna. È possibile fare una sintesi delle sfide più importanti per la Sardegna odierna e lavorare a obiettivi comuni mantenendo ogni partito o movimento la propria idea?
Alcuni punti comuni sui quali i diversi partiti indipendentisti sardi potrebbero convergere li riporto qui, specie per chi non frequenta l’area:
Al fine di avere un popolo più edotto sugli aspetti riguardanti la propria economia, la propria fiscalità, la propria geografia, la propria storia, la propria lingua, la propria scuola, il proprio ambiente, nel 2019 viene fondata ANS Assemblea Natzionale Sarda.
In breve, ANS è un’associazione politica, apartitica, senza fini elettorali, che nasce per lavorare alla crescita della coscienza nazionale, bisogno fortemente sentito dal mondo indipendentista che aveva vissuto la disfatta elettorale del 2019.
Quel mondo si è identificato intorno a 13 valori, individuati dagli indipendentisti stessi durante una lunga fase costituente durata dal marzo al dicembre 2019. Quali erano questi valori? Si trovano sul sito di ANS, ma ne riassumo alcuni in quattro punti:
a) diritti linguistici, cultura, patrimonio naturale e storico
b) connessione e costruzione di reti tra cittadini, comitati, movimenti e partiti
c) contrarietà a qualsiasi attitudine o cumportamento discriminatore, violento, sessista, xenofobo, autoritariu
d) democrazia interna, rotazione delle cariche, trasparenza assoluta
Inoltre – breve inciso – ANS è stata concepita per non dover essere associata a leader e dopo sette anni funziona ancora così, non ha mai tradito questo principio.
Valori, quindi, ossia regole base per la convivenza. Chi, all’interno dell’area, non si è riconosciuto in tali valori ha deciso di non iniziare o di non proseguire quel cammino.
ANS è in salute ed è attiva 365 giorni all’anno, con una struttura chiara e un’organizzazione dettagliata, che ha permesso negli anni di riappropriarsi di Sa Die de sa Sardigna e di far nascere Fàulas per iniziare a narrare la Sardegna da un punto di vista sardocentrato. I due appuntamenti sono diventati per ANS i due eventi nazionali principali nel calendario annuale.
ANS è nata come spazio di elaborazione comune, sia per accogliere nuovi indipendentisti non ancora pronti per la militanza partitica, sia affinché nelle battaglie di pressione politica trasversali all’area, la voce indipendentista potesse uscire in maniera più chiara. Di questo secondo aspetto mi voglio occupare.
Diverse persone che si sono riunite nei primi incontri del 2019 non sono più in ANS. Sono invece approdati indipendentist_ in formazione o addirittura in potenza che, sia per questioni anagrafiche sia perché non convinti dalle proposte partitiche, non si erano mai tesserat_ con partiti indipendentisti. Questa dinamica ha creato una situazione per la quale i militanti dei partiti – per la maggior parte – invece che farsi conoscere contribuendo agli obiettivi di ANS complementari a quelli dei partiti, hanno preferito distaccarsene e osservare da fuori.
Ora che a presentarsi come indipendentisti sono facce sconosciute che invece di definirsi figlie di quella storia indipendentista (attenzione a dare letture opposte) si pongono in rottura e in critica aperta nei confronti di quelli che definiscono dinosauri, invito alla riflessione – senza polemica e con il rispetto che ho sempre portato – coloro che hanno voluto che nascesse ANS e poi hanno lasciato.
Prima però apro e chiudo una parentesi: questo discorso non vuole alzare le barricate nei confronti di movimenti nascenti. Anzi, ricordo che ANS è uno spazio aperto a chiunque condivida i 13 valori fondamentali suddetti e voglia impegnarsi a titolo individuale. Ma quei valori sono inderogabili. E più avanti ci torno.
A tutti, ma qui nello specifico a chi si è avvicinato ad ANS e non è più tesserat_ dico chiaramente che le porte sono aperte e che da fare ce n’è tanto. Se avete sconfitto le (pur legittime) paure di allora, ANS è ancora casa vostra. Se la resistenza è legata alla presenza di persone con le quali non si è andati d’accordo in passato, ricordo che ANS ha tra gli obiettivi anche il superamento di tali dinamiche. ANS, ripeto, è fondata sulla partecipazione individuale. ANS ha anche una struttura capace di allontanare un_ tesserat_ qualora tradisca i 13 valori: le segnalazioni di potenziali casi da attenzionare vengono analizzate e gestite democraticamente, senza che nessuno possa vantare diritti di veto.
6, 7 anni sono sufficienti per considerare terminato il periodo del “vediamo cosa fanno!”. È tempo di riprendere a lavorare all’idea di ANS complementare ai partiti. Abbiamo bisogno di un incubatore politico in cui formare la classe dirigente che accresca e rinnovi le fila dei partiti in cui sceglierà di militare. Non dimenticate che ANS non può da Statuto presentarsi a elezioni, non può prendere voti.
Apro un tema: capita che, nella stessa settimana, prus siglas indipendentistas faeddent de temas diferentes. Sigla 1 parla di speculazione energetica, Sigla 2 parla di dispersione scolastica, Sigla 3 parla di sanità, Sigla 4 parla di Statuto, Sigla 5 parla di privatizzazione aeroporti. Serve? È vincente? A che uditorio arriviamo? Quante persone confondiamo?
Cresciamo su questo? Lavoriamo a un’agenda comune? Riusciamo a tenere un dialogo costante e a decidere, a intervalli, quali sono i 2, 3 temi su cui concentrarci in un determinato arco temporale? Contemplando cambi di priorità, ovviamente. A che pro? In modo da agire come un cartello di pressione. In modo che l’opinione pubblica percepisca che gli indipendentisti stanno facendo pressione su chi governa in RAS affinché venga gestito – esempio – il tema incendi (o sanità, o aeroporti).
I media riporteranno che “sul tema, la segretaria di Sigla 1 sostiene che sia così”; “per il presidente di Sigla 2 è così”; “mentre i portavoce Sigla 3 la pensano così”. Quindi sì, ci saranno punti di vista differenti, ma sullo stesso tema.
Questa è una proposta è finalizzata a mostrare alla società sarda:
1) gli indipendentisti sono attivi, perché parlano alla società sarda presidiando i temi d’attualità;
2) esiste, nell’indipendentismo, Sigla 2 che è socialista e Sigla 5 che è liberale. La semplifico così. Ma l’elettore sceglierà in base alla propria sensibilità chi votare, chi seguire o a chi unirsi.
Sembra banale, ma non lo stiamo facendo. Iniziamo?
Intanto, ANS fa tre assemblee in presenza di due giorni (ne fa anche altre, ma online) nel corso dell’anno – di cui dà sempre conoscenza sul sito o sui social – durante le quali uno spazio è dedicato all’agenda sarda, all’osservazione di cosa ci succede attorno. Non sto contraddicendo ciò che ho detto prima in merito alla partecipazione individuale: ANS nasce anche per accogliere indipendentist_ che ancora si stanno formando sui temi e che desiderano prendere parte a dibattiti, ma a queste assemblee partecipano già indipendentisti di vecchia data. Perché non arricchire il dibattito?
E poi: ANS ha appena nominato un delegato ai rapporti con i partiti politici. Secondo me ANS può moderare lo spazio in cui si individuano i punti in comune (di cui ho prima fatto semplici esempi). Se vi piace, sediamoci e facciamo: decidiamo. Anche perché se non iniziamo a decidere noi:
– nella “migliore” delle ipotesi, ognuno continuerà ad agire in solitaria con – esempio -post instagram di Sigla X che racconta del blitz che ha fatto in Logu X perché è venuta a sapere che lì un comune ha dato terreni a un privato per installare un ecomostro. Sia chiaro: ben venga, e grazie. Ma se le altre sigle non seguono, e i media non dedicano più di un trafiletto, succede che dopo 5 giorni è finito il fumo social e anche gli attivisti di quella stessa Sigla 5 riprenderanno a pensare al lavoro, a_ figli_ e a mangiare. Giustamente, se ci si ritrova soli e pare di fare battaglie contro i mulini a vento.
– nella peggiore delle ipotesi, invece, continueremo a parlare di ciò di cui ci portano a parlare Unione e Nuova o, peggio ancora, Rete 4.
Ormai sappiamo – perché lo abbiamo vissuto – che le battaglie portate avanti senza un’organizzazione forte non portano né iscritti e né consensi. E spesso è successo che se le siano intestate i partiti italiani in Sardegna. Rivendicare il merito di aver fatto quella battaglia per primi va bene, ma ci basta? O è il caso di ragionare in termini di iscritti e di consenso elettorale?
Oggi nuovi attori (come Surra) irrompono sulla scena definendosi indipendentisti e utilizzando metodi di comunicazione nuovi quanto può essere nuova una cosa che esiste da 4 anni. Loro li usano, l’indipendentismo no. Brevi video, slogan ripetuti, messaggi semplificati e diretti che raccolgano seguito social.
La novità ha visto nell’indipendentismo “di lunga data” diversi posizionamenti: c’è chi, “menomalista”, ringrazia che “almeno ci sono loro che fanno qualcosa di concreto” e chi si è sentito spodestato: “Da dove sbucano questi?”. Lecito chiederselo, forse doveroso. La risposta degli spodestati ai menomalisti è stata, giustamente: “ma come? Ma noi lo abbiamo sempre fatto! Ma noi siamo sempre stati in prima linea a sporcarci le mani e a denunciare”.
Sacrosanta verità. E allora cos’è successo? La gente se n’è dimenticata o non se n’è accorta? Non riflettere su come stiamo comunicando, come area, è gravissimo.
Al di là di chi sostiene che la politica vada fatta fuori dai social perché con la gente si deve parlare faccia a faccia (lo stiamo facendo?), prendiamo atto del fatto che molta gente oggi preferisce informarsi tramite internet e i social e che, se intercettata, prima va a spulciare i tuoi contenuti e il tuo sito, poi forse parteciperà agli incontri dal vivo.
Oggi – constatazione pacifica – chi arriva facilmente è chi usa reel o stories, principalmente su Instagram e Tik Tok. Nell’area indipendentista, per lo più, si producono:
– lunghi comunicati e articoli (tipo questo, che è infinito), che è giusto trovare sui rispettivi siti affinché siano sempre di facile reperimento, ma che da soli non bastano ad arrivare;
– o, per me peggio, lunghi caroselli su Instagram carichi di muri di testo, che tra l’altro spesso non si accompagnano a un contenuto sul sito e dunque si perdono nel giro di pochi giorni.
Domande: se accettiamo che il problema del non arrivare facilmente sia davvero il mancato utilizzo del mezzo reel, perché non lo adoperiamo? Mi chiedo se si abbia paura di registrarsi dietro a una telecamera e di esporre il proprio volto o se si ritenga che il proprio messaggio sia troppo complesso per poter essere affidato a video di pochi secondi. In entrambi i casi, c’è da lavorarci.
Per cui l’altro tema è: oltre alla sacrosanta importanza di studiare per essere credibili, preparati, affidabili in quanto politici o potenziali futuri candidati, emerge la necessità di studiare per fare arrivare i nostri messaggi – più complessi degli slogan – che vogliamo arrivino alle menti e non alle pance de_ sard_ (se realmente vogliamo una società cosciente oltre al seguito social).
A proposito di comunicazione e articoli, permettetemi: da indipendentisti vogliate più bene a S’Indipendente. Non lo dico a chi riceve compensi per scrivere su altre testate, ma a chi preferisce i social. Quando producete ragionamenti profondi, non è saggio affidarli a post facebook o storie instagram che – per quanto raggiungano subito i fedelissimi senza farli uscire da FB – dopo 24/48 ore smettono di girare. Non è meglio, piuttosto, pubblicarli come articoli che si possono ritrovare, anche a distanza di anni, con una semplice ricerca sui browser?
S’indipendente, invece, è una testata giornalistica dichiaratamente indipendentista, registrata, che paga le tasse, e che è effettivamente plurale dato che nella graduatoria di chi scrive di più, in alto ci sono quattro persone che appartengono o sono appartenute a sigle diverse. Non è perfetto S’I, è fallibile e negli anni errori ne ha fatto. Ma chi c’è dietro si sa: ANS (soci che sanno fare siti web, soci che scrivono o invitano a scrivere, soci che pubblicano sui social). Mi rifiuto di pensare che qualcuno non scriva perché ci scrive qualcun_ che a lei/lui non va a genio, perché se così fosse non avrebbe senso poi esaltarsi se pubblicati su Unione Sarda o Nuova Sardegna. Ché ok la visibilità, ma lì non ci scrivono solo persone integerrime e non sempre gli articoli ospitati sono edificanti. O siamo più maturi di così oppure perdiamo credibilità quando parliamo di “problemi dell’indipendentismo”.
Torno a quella parentesi aperta e chiusa prima. A Surra va dato atto di stare facendo a Poltu Santu Paulu (Lu Fenosu – Cala Finanza) un lavoro di denuncia e presidio; simile a ciò che tanti indipendentisti o movimenti come A Foras, in tante situazioni, fanno da generazioni. Ma Surra lo sta comunicando in maniera efficace.
Vi starete chiedendo forse: perché, allora, se Surra si definisce indipendentista e ha queste capacità comunicative non si è proposta e non le ha messe a disposizione di chi già faceva le lotte, ossia di quelli che in quell’ambiente chiamano dinosauri? Perché Surra non ha mai bussato alla porta di ANS, che ha una media età di 39 anni, che tra le sue fila ha più facce nuove che indipendentisti navigati, e che è aperta e apartitica?
Per scrupolo, linko di nuovo i valori di ANS.
In un mondo ideale e in considerazione delle diverse competenze ed esperienze presenti al suo interno, ANS si potrebbe mettere umilmente a disposizione di chi va in piazza e ai presidi (come possono essere i comitati, se i comitati lo vogliono), e di nuovi movimenti che nascono (come appunto può essere Surra, ma come anche i tanti movimenti studenteschi o giovanili pieni di energia). Per fare cosa? Per dare sostegno e fare formazione politica, ad esempio.
Ma, in quel mondo ideale, Surra non è un progetto che nasce dall’oggi al domani con i suoi due volti più esposti prima dell’ottobre 2025 non avevano mai pubblicato niente a tema Sardegna, lingua, ambiente, basi militari, lotte. E finché la genesi di Surra sarà fumosa, continuerà a esserci diffidenza da parte di molti. Stesso discorso vale per la reticenza a dissociarsi da idee ambigue. Ed è forse per questo che Surra il sostegno e la formazione politica li cerca altrove.
ANS oggi dedica tanto tempo ed energie a mandare avanti 365 giorni all’anno la propria struttura, dall’ordinaria amministrazione ai due eventi nazionali principali. Per cui, lo dico chiaro: le persone che possono dare qualcosa al prossimo entrino in ANS, sia chi milita in partiti, sia chi non lo fa. Occorre mettere a disposizione molte competenze: in ambito politico, in ambito comunicativo, ma non solo.
E gli “indipendentisti storici”, quelli che militano da 20, 30, 40, 60 anni, quelli che “nel 1997 abbiamo fatto questo!” e “nel 2011 abbiamo fatto quest’altro!” possono – per esempio – mettere a disposizione la loro esperienza magari in un contesto di “Storia delle lotte dell’indipendentismo” o di “Come si organizza un presidio”. In sostanza: bisogna mettere a disposizione di chi ha oggi 18 o 25 anni, e ne avrebbe bisogno, riferimenti ed esempi.
ANS è una proposta, non è l’unica soluzione, ma essendo una struttura pronta, perfettamente organizzata, e figlia del percorso indipendentista, è lì che aspetta di essere alimentata. Ignorarne il suo potenziale è una scelta.
I commenti saranno sottoposti ad approvazione prima della pubblicazione.
[…] una categoria politica: è quando chi si sente chiamato in causa inizia a scriverne per difendersi. La discussione aperta su S’Indipendente da Riccardo Pisu Maxia (ANS), che riprende il termine “dinosauri” da me utilizzato per descrivere una certa area […]