Cust’arrexonu m’est acucau pustis de ai lìgiu su lìbburu “Benidores, Literadura, limba e mercadu culturale in Sardigna” de Antoni Arca, e pustis de ai biu is primus puntadas de su programma omònimu, prodùsiu sèmpiri de sa Condaghes cun s’agiudu de sa RAS, bandu Imprentas 2025-2026 (is puntadas si podint biri dònnia martis e sàbudu a is 20 in https://platform.wim.tv/#/webtv/SART/cast/4d8f201c-be2f-42ac-9978-758f1d00162a)
Sa pregunta est: ita podeus cunsiderai, diaderus, literadura sarda? A bisu miu podeus cunsiderai comenti literadura totu is formas de arti scritas. Duncas no sceti prosa, narrativa, e poesia, ma fintzas teatru, tzinema, mùsica. Ma ita podeus cunsiderai coment’e sardu? Candu fueddaus de literadura sarda fueddaus de totu is òperas scritas in sardu? Cussas chi produsint autoris sardus e pubblicant editoris sardus etotu? O cussas chi contant sa Sardìnnia, sa stòria, sa cultura e sa sotziedadi de s’ìsula?
A una parti nc’est chini narat ca sa literadura sarda est sceti cussa scrita in sardu; àterus narant ca no si podit cunsiderai sceti su chi est scritu in sardu, ca biveus aìnturu de unu stadu innui su sardu no est lìngua ofitziali. Est una chistioni chi pertocat sa literadura, ma fintzas sa polìtica e sa stòria. Scideus ita sutzedit candu s’imponint una lìngua e ndi bessit su mèdiu prus de importu po s’istrutzioni, s’amministratzioni e sa vida pùbblica (e in Sardìnnia custu acontessit assumancu de su 1760).
Ma est berus fintzas ca no si podit cunsiderai comenti literadura de una natzioni un’òpera scrita in d-una lìngua chi no est pròpia de cussa natzioni. Fadeus s’esempru de Kader Abdolah, disterrau iranianu chi bivit in Olanda e scriit romanzus in contu de sa stòria de s’Iran, de s’esperièntzia cosa sua in cussa terra. Ma scriit in olandesu, no in farsi. E insaras, si podit cunsiderai literadura iraniana sa sua? Balla ca no, mancai literadura de s’Iran, custu giai. Custu no bolit nai ca is òperas suas no si podint ligi fintzas in àterus logus de su mundu, sa cultura no tenit làcanas, e no tenit nimancu barrancus linguìsticus, po cussu nci funt is furriaduras, e ddoi funt in sardu puru. Ma insaras intraus in d-un’àteru arrexonu ancora…
Torrendi a nosu, teneus su pensamentu ca su sardu siat pruschetotu una lìngua orali, siat a nai una lìngua chi no tenit una forma scrita pretzisa e, duncas si pensaus ca in sardu no teneus òperas meda, e is chi ddoi funt, funt de pagu contu. Pensaus ca si scriit pagu ca si ligit pagu, si ligit pagu ca si pubblicat pagu, e si pubblicat pagu ca no ddoi est unu pùbblicu.
Giai in su 2008 Antoni Arca, in su lìbburu “Benidores”, contàt prus de duuxentus pubricatzionis in sardu. Poesias, contus, romanzus, de totu. Una produtzioni chi minescit de essi connota e studiada. Su primu romanzu in sardu est de Frantzisca Cambosu “Sa bida est amore” pubblicau in su 1982. Pustis agataus unus cantu àterus autoris cun òperas diaderus spantosas. Nc’est Mariu Puddu cun “Alivertu”, Frantziscu Masala cun “S’istoria. Condaghe in limba sarda”, Michelàngiulu Pira cun “Sos Sinnos”. E nc’est fintzas su romanzu bilingui de Benvenuto Lobina “Po cantu Biddanoa”, una prenda manna de sa literadura sarda. Ma nci ndi funt àterus puru de autoris famaus chi ant donau balori a su sardu in sa literadura, Zuanne Frantziscu Pintore, Larentu Pusceddu, Maria Teresa Pinna Catte e Gian Carlu Tusceri, e innoi si firmaus ca custa no bolit essi un’antologia. Custus nòminis si serbint a nosi arregordai ca sa literadura in sardu esistit, tenit una stòria e sighit a essi pubblicada.
Tocat a si pediri, prusaprestus, poita est ca custa produtzioni no est aici connota. E candu si fueddat de literadura in sardu si arribbat a sa chistioni de sa normalizatzioni linguìstica. Est unu tema de importu, ca no si podit arredusi a unu certu intre linguistas o una cuntierra in pitzus de sa grafia. Nc’est pagu cosa de fai, tocat a tenni ainas cumpartzidas po scriri, pubblicai, imparai e ligi in sardu, amparendi totu is bariedadis de sa lìngua nosta. Chentza de depi intendi dònnia borta “Eja, ma in cali sardu?”. Ma pruschetotu su sardu bolit studiau e fueddau. Teneus ora batallendi chi sa chistioni linguìstica sarda no intrat me is scolas e in sa vida pùbblica (a partiri de sa polìtica). E po custu serbit una polìtica linguìstica ca in dii de oi no si biit.
E chi boleus chi su sardu siat una lìngua diaderus bia, ddu depeus agatai fintzas in is parastàgius de is librerias, in is catàlogus de is editoris, in is bibliotecas, in is scolas e in is festival.
In is ùrtimus annus sa Regioni at postu dinai meda po sa promotzioni de sa letura e po s’organizatzioni de festival e manifestadas literàrias. Funt progetus chi podint tenni un’arrolu de importu in sa vida culturali de is comunidadis nostas. Ma cuncordai un’eventu dedicau a is lìbburus e fraigai una comunidadi de letoris no funt sa matessi cosa. E pruschetotu tocat a si pediri cali spàtziu si donat a sa literadura sarda e de Sardìnnia.
No est chistioni de imponni autoris de invitai e lìbburus de presentai. Sa libertadi de is sceberus culturalis no s’imponit cun inditus polìticus. Ma sa polìtica depit assetiai punnas, critèrius e ainas de finantziamentu.
Chi sa punna est promovi sa letura, tocat assetiai a calis letoris si bolit arribbai e cali arrolu podint tenni bibliotecas, scolas e librerias.
Chi sa punna est agiudai s’editoria, tocat a castiai fintzas a chini scriit, pubblicat, distribuit e bendit lìbburus, e a is conditzionis chi permitint a una produtzioni editoriali de esisti e sighiri in su tempus. E, chi fueddaus de cultura sarda, no podeus cunsiderai sa produtzioni in lìngua sarda un’elementu de folklori.
De pagu is tzitadis de Igrèsias e Nùgoro ddas ant candidadas a essi “Capitale italiana del libro 2027”, s’assessora regionali Ilaria Portas at nau ca est una nova “spantosa”. At a essi unu bonu arresurtau puru, ma de chini tenit sa responsabilidadi polìtica de sa cultura in Sardìnnia m’apu a essi abetau àterus arrexonamentus. Scideus ca in s’ìsula sa metadi de is chi ddoi bivint no ligit unu lìbburu a s’annu? Calis polìticas podint afortiai su mercau editoriali, a partiri de is librerias indipendentis? E calis obietivus si ponit sa Regioni, in prus de s’agiudu a is manifestadas?
Ca su mercau editoriali est acapiau a cussu italianu, no serbit a fai finta chi no siat aici. E su mercau editoriali italianu est in is manus de duus o tres grupus editorialis chi si nci funt papendi totu. Si ocupant de sa pubblicatzioni, de sa distributzioni e inderetura de sa bèndida. Calis possibilidadis tenit, duncas, una domu editora pitica, sarda, indipendenti po lompi a is letoris?
Asuba de custu si depit fai preguntas sa polìtica culturali. Ca sa chistioni no pertocat sceti cantus eventus si organizant o cantus ospitis si portant in Sardìnnia. Pertocat fintzas calis cunditzionis si fraigant po fai a manera ca is lìbburus si potzant scriti, pubblicai, distribuiri e ligi.
Insaras s’arrexonu de fai oi no pertocat sceti candu si podit fueddai de literadura sarda o literadura de Sardìnnia. Depeus cumprendi conca a ita est andendi sa produtzioni literària in s’ìsula, calis possibilidadis tenint is autoris e is editoris de sighiri a trabballai, cali spàtziu agatant is òperas in sardu e cali movimentu culturali s’est fraighendi a fùrriu de su chi si produsit innoi.
Ca no bastat afestai sa cultura sarda, nì organizai eventus ca fueddant de lìbburus. Tocat a ponni is cunditzionis po fai a manera ca custa cultura potzat sighiri a essi prodùsia, publicada, distribuida e lìgia.
E po una natzioni comenti sa nosta, custu bolit nai arreconnosci a sa lìngua sarda su deretu de essi una lìngua de sa literadura de oi.
Questa riflessione mi è venuta in mente dopo aver letto il libro “Benidores. Literadura, limba e mercadu culturale in Sardigna” di Antoni Arca, e dopo aver visto le prime puntate dell’omonimo programma, prodotto da Condaghes con il sostegno della RAS, bando Imprentas 2025-2026 (le puntate si possono vedere ogni martedì e sabato alle 20 su https://platform.wim.tv/#/webtv/SART/cast/4d8f201c-be2f-42ac-9978-758f1d00162a)
La domanda è: cosa possiamo considerare, davvero, letteratura sarda? Secondo me, possiamo considerare come letteratura tutte le forme di arte scritte. Dunque non solo prosa, narrativa, e poesia, ma anche teatro, cinema, musica. Ma cosa possiamo considerare come sardo? Quando parliamo di letteratura sarda, parliamo delle opere scritte in sardo? Di quelle prodotte da autori e autrici sardi? Di quelle che raccontano la Sardegna, la storia, la cultura, la società dell’isola?
Da una parte c’è chi dice che la letteratura sarda è solo quella scritta in sardo; altri dicono che non si può considerare solo ciò che è scritto in sardo, perché viviamo dentro uno stato in cui il sardo non è la lingua ufficiale. È una questione che riguarda la letteratura, ma anche la politica e la storia. Sappiamo cosa succede quando ci impongono una lingua e diventa il mezzo più importante per l’istruzione, l’amministrazione e della vita pubblica (e in Sardegna questo succede almeno dal 1760).
Ma è anche vero che non si può considerare come letteratura di una nazione un’opera scritta in una lingua che non è propria di quella nazione. Facciamo l’esempio di Kader Abdolah, esule iraniano che vive in Olanda e scrive romanzi sulla storia dell’Iran e la propria esperienza in quella terra. Ma scrive in olandese, non in farsi. E allora, si può considerare letteratura iraniana la sua? Certo che no, magari letteratura dell’Iran, questo sì. Questo non vuol dire che le sue opere non si possono leggere anche in altre parti del mondo. La cultura non ha confini, e non ha nemmeno ostacoli linguistici, per quello ci sono le traduzioni, e ci sono anche in sardo. Ma entriamo in un altro ragionamento…
Tornando a noi, abbiamo il pensiero che il sardo sia soprattutto una lingua orale, cioè una lingua che non ha una forma scritta precisa e, dunque, pensiamo che in sardo non abbiamo molte opere, e quelle che ci sono di poca importanza. Pensiamo che si scrive poco perché si legge poco, si legge poco perché si pubblica poco, e si pubblica poco perché si ritiene che non esista un pubblico.
Già nel 2008 Antoni Arca, nel libro “Benidores”, contava oltre duecento pubblicazioni in sardo. Poesie, racconti, romanzi, di tutto. Una produzione che merita di essere conosciuta e studiata. Il primo romanzo in sardo è di Francesca Cambosu “Sa bida est amore”, pubblicato nel 1982. Dopo troviamo alcuni altri autori con opere davvero meravigliose. C’è Mario Puddu con “Alivertu”, Francesco Masala con “S’istoria. Condaghe in limba sarda”, Michelangelo Pira con “Sos Sinnos”. E c’è anche il romanzo bilingue di Benvenuto Lobina “Po cantu Biddanoa” un gioiello della letteratura sarda. Ma ci sono anche altri autori famosi che hanno dato valore alla lingua sarda nella letteratura come Gianfranco Pintore, Lorenzo Pusceddu, Maria Teresa Pinna Catte e Gian Carlo Tusceri e qui ci fermiamo che questa non vuol essere un’antologia. Questi nomi servono a ricordarci che letteratura in lingua sarda esiste, ha una storia e continua a essere pubblicata.
Bisogna chiedersi, piuttosto, perché questa produzione non è così conosciuta. E quando si parla di letteratura in sardo si arriva alla questione della normalizzazione linguistica. È un tema importante, che non può essere ridotto a un litigio tra linguisti o a una disputa sulla grafia. C’è poco da fare, bisogna avere strumenti condivisi per scrivere, pubblicare, insegnare e leggere in sardo, tutelando tutte le varietà della nostra lingua. Senza doverci sentire chiedere ogni volta “Sì, ma in quale sardo?”. Ma soprattutto occorre studiare e utilizzare il sardo. Perché hai voglia a disputare se la questione linguistica sarda non entra nelle scuole e nella vita pubblica (a partire dalla politica).
Ma se vogliamo che il sardo sia una lingua davvero viva, dobbiamo poterlo trovare anche sugli scaffali delle librerie, nei cataloghi editoriali, nelle biblioteche, nelle scuole e nei festival. Negli ultimi anni la Regione ha investito molte risorse per promozione della lettura e per l’organizzazione di festival e manifestazioni letterarie. Sono progetti che possono avere un ruolo significativo nella vita culturale delle nostre comunità. Ma organizzare un evento dedicato ai libri e costruire una comunità di lettori non sono la stessa cosa. E soprattutto occorre chiedersi quale spazio viene riservato alla letteratura sarda e di Sardegna.
Non si tratta di imporre quali autori invitare o quali libri presentare. La libertà delle scelte culturali non dev’essere imposta da indirizzi politici. Ma la politica deve stabilire obiettivi, criteri e strumenti di finanziamento.
Se l’obiettivo è promuovere la lettura, bisogna stabilire quali lettori si vogliano raggiungere e quale ruolo possano svolgere biblioteche, scuole e librerie.
Se l’obiettivo è sostenere l’editoria, bisogna guardare anche a chi scrive, pubblica, distribuisce e vende libri, e alle condizioni che permettono a una produzione editoriale di esistere e continuare nel tempo. E, se parliamo di cultura sarda, non possiamo considerare la produzione in lingua sarda un elemento di folklore.
Di recente Iglesias e Nuoro sono state candidate a essere “Capitale italiana del libro 2027”, l’assessora regionale Ilaria Portas ha definito “straordinaria” la notizia. Sarà pure un buon risultato, ma da chi ha la responsabilità politica della cultura in Sardegna mi sarei aspettato ben altre riflessioni. Sappiamo che nell’isola la metà della popolazione non legge un libro all’anno? Quali politiche possono rafforzare il mercato editoriale, a partire dalle librerie indipendenti? E quali obiettivi si pone la Regione, oltre al sostegno alle manifestazioni?
Perché il mercato editoriale sardo è legato quello italiano, inutile far finta che non sia così. E il mercato editoriale italiano è in mano a due o tre gruppi editoriali che stanno fagocitando tutto. Si occupano della pubblicazione, della distribuzione e della vendita diretta. Quali possibilità ha, quindi, una piccola casa editrice, sarda, indipendente per raggiungere i lettori?
Su questo deve interrogarsi una seria politica culturale. Perché la questione non riguarda soltanto quanti eventi si organizzano o quanti ospiti si portano in Sardegna. Riguarda anche quali condizioni si costruiscono per fare in modo che i libri possano essere scritti, pubblicati, distribuiti e letti.
Allora il ragionamento da fare oggi non riguarda solo quando si può parlare di letteratura sarda o letteratura di Sardegna. Dobbiamo capire in quale direzione si sta muovendo la produzione letteraria nell’isola, quali possibilità hanno gli autori e gli editori di continuare a lavorare, quale spazio trovano le opere in sardo e quale movimento culturale si sta costruendo intorno a ciò che viene prodotto qui.
Perché non basta festeggiare la cultura sarda, né organizzare eventi che parlano di libri. Occorre creare le condizioni affinché questa cultura possa continuare a essere prodotta, pubblicata, distribuita e letta.
E per una nazione come la nostra, questo significa anche riconoscere alla lingua sarda il diritto di essere una lingua della letteratura contemporanea.
Imàgini: arredamento.it
