Apu lìgiu cun meda interessu s’artìculu de Ivan Monni “Quanto è stato facile tagliare la lingua al popolo sardo? – S’Imprenta”. Comenti narat beni issu a su pòpulu sardu dd’ant liau, abellu abellu, sa lìngua, dd’ant posta a una parti, no s’imperat in sa vida pùbrica, finas a ndi bessiri unu fatu privau, de domu e, infinis, bregùngiosu.
Bideus, perou, ca me is ùrtimus annus su sardu ndi bessit a pillu in is mèdius de comunicatzioni, in is social, in is progetus culturalis. E custa est una cosa bona, ca sustentat sa curiosidadi e su disìgiu de connoscèntzia e de torrai a apoderai una cosa chi s’ant negau. Ma totu custu, a sa sola, non bastat. Serbit un’impreu prus struturau e fitianu.
De custa bisura, su Pranu de Polìtica Linguìstica (PPL) nou, bessiu de sa Giunta Regionali in su mesi de idas de ocannu passau, arrapresentat unu passàgiu de importu, ma sceti po su chi pertocat s’inditu. Arreconnoscit ca sa lìngua no s’amparat sceti cun is cunvegnus, o cun is progetus simbòlicus, ma cun polìticas pùbricas chi sighint: formatzionu, impreu fitianu in is servìtzius, scola e amministratzioni. Ma in prus de is fainas prevìdidas – Imprentas, TuLiS, Sportellu Linguìsticu Regionali, Insulas e Frailes, certificatzioni linguìstica – agataus pagu cosa. Totu custas funt fainas chi, comenti scideus, presentant unus cantu de problemas, acapiaus a sa programatzioni e pruschetotu a su dinai. Ma innoi ammancat unu cronoprogramma, ammancant is costus de cada atzioni e no funt prevìdius capìtulus de bilantzu specificus. Chentza de custas cosas, su PPL nou arriscat de abarrai unu bellu bisu, comenti is àterus pranus chi eus giai biu.
Ma fintzas su movimentu linguìsticu tenit is responsabilidadis suas, sendi a fitianu pratziu in pitzus de sa chistioni de standard gràficu, mudendi una chistioni tènnica in d-unu problema chi no esistit. Difatis chentza de fueddadoris, perunu standard sarvat una lìngua.
De innoi s’arrexonamentu s’alladiat fintzas a sa produtzioni culturali, e in particulari su teatru. Oi, mescamenti de is cumpàngias amatorialis, su sardu est a a fitianu imperau giai sceti comenti a trastu còmicu, acapiau a unu passau fatu de pregiudìtzius: sa bidda in antigòriu, is personàgius chi parint carrigaduras, s’arrisu a scracaliu. Custu forsis podiat andai beni a primu, oi arriscat de essi una gàbbia. Chi su sardu bivit sceti comenti a lìngua de su passau o comenti a lìngua po fai arriri, est tostau chi potzat torrai a essi una boxi po ligi su presenti, bona po contai cuntierras, contradditzionis e mudamentus de oindii.
Su teatru, comenti a dònnia forma de arti, iat a podi invècias essi unu logu spantosu de arrexonamentu de custu tempus in lìngua sarda, no sceti de surrùngiu. A su matessi tempus una polìtica linguìstica nd’iat a podi fai una lìngua che is àteras, chi si podit imperai in dònnia logu, e ocasioni de traballu – giai oi su sardu donat traballu, mancai pagu, e cun atzionis de importu nd’iat a podi donai de prus puru. Serbit un’acostamentu chi no siat giuditziosu ma chi formit, no tocat a scerai ma a acumpangiai. Imperai su sardu iat a depi essi una cosa sintzilla.
Ca una lìngua si sarvat sceti chi si torrat a essi de totus.
Ho letto con grande interesse l’articolo di Ivan Monni “Quanto è stato facile tagliare la lingua al popolo sardo? – S’Imprenta”. Come lui ben evidenzia, al popolo sardo la lingua è stata progressivamente sottratta, marginalizzata, inutilizzata nella vita pubblica, fino a diventare un fatto privato, domestico e, infine, vergognoso.
Vediamo, però, che negli ultimi anni il sardo riaffiora nei media, nei social e nei progetti culturali. È un fatto positivo, che alimenta curiosità e desiderio di riappropriarci di qualcosa di negato. Ma tutto questo, da solo, non basta, serve un uso strutturato e quotidiano.
Da questo punto di vista, il nuovo Piano di Politica Linguistica (PPL) varato dalla Giunta Regionale a dicembre 2025 rappresenta un passaggio importante, ma solo nell’impostazione. Riconosce che la lingua non si tutela solo con convegni o progetti simbolici, ma con politiche pubbliche continuative: formazione, uso nei servizi, scuola e amministrazione. Tuttavia, oltre alle attività previste – Imprentas, TuLiS, Sportello Linguistico Regionale, Insulas e Frailes, certificazione linguistica – troviamo poco altro. Queste iniziative, come noto, soffrono di criticità in programmazione e risorse. Ma qui manca un cronoprogramma preciso, i costi per azione e capitoli di bilancio dedicati. Senza questi, il nuovo PPL rischia di rimanere sulla carta, proprio come i piani passati.
Ma anche il movimento linguistico ha le sue responsabilità, essendo spesso diviso sulla questione dello standard grafico, trasformando una questione tecnica in un problema che non esiste. Senza parlanti, nessuno standard salva una lingua.
Da qui il discorso si allarga alla produzione culturale, in particolare al teatro. Oggi, specie dalle compagnie amatoriali, il sardo è spesso relegato a strumento comico, legato a un passato stereotipato: il paese di una volta, i personaggi macchiettistici, la risata facile. Questo forse poteva andar bene un tempo, ma oggi è una gabbia. Se il sardo vive solo come lingua del passato o per far ridere, faticherà a diventare voce per leggere il presente, capace di narrare conflitti, contraddizioni e cambiamenti odierni.
Il teatro, come ogni forma d’arte, potrebbe essere uno spazio straordinario per una riflessione contemporanea in sardo, non solo nostalgia. Allo stesso modo, una vera politica linguistica lo renderebbe lingua “come le altre”, utilizzabile ovunque nella vita pubblica e occasione di lavoro strutturato – già oggi il sardo dà un minimo di lavoro, ma con azioni importanti ne potrebbe dare ancora di più.
Serve un approccio che non giudichi ma formi, che non selezioni ma accompagni. Usare il sardo dovrebbe diventare gesto spontaneo. Una lingua si salva solo se torna a essere di tutti.
Imàgini: illibraio.it
